1. Yuqori molekulali birikmalar xosil qilishning umumiy qoidalari 2. Polimerlanish jarayonlari Kirish qismida yuqori molekulyar birikmalar haqida umumiy ma’lumot berilishi bilan bir qatorda, bu birikmalarning tuzilishi va ularning tabiatda uchrashi haqida muhim ma’lumotlar berildi. Yuqori molekulyar birikmalarning olinish jarayonini chuqur o’rganish bilan hosil bo’layotgan yuqori molekulyar birik­malarning xossalarini oldindan belgilash mumkin. Molekulyar massani ortib borishi bilan makromolekulaning asosiy xossala­rini keskin o’zgarishi bu jarayonni nazorat qilib belgilangan xossaga ega maxsulot olish imkonini yaratadi. Shu sababdan makromolekulaning tarkibi, polidispersligi, tuzilishi, molekulyar massasi - polimerning asosiy xususiyatlarini belgilaydigan omillardir. Bundan tashqari, makromolekula zanjirida monomer bo’g’inining ketma-ket joylanishi va uning fazoviy tuzilishi, zanjirda bir xil kimyoviy xossali monomer bo’g’inining borligi va uning joylanish tartibi yuqorida keltirilgan xususiyatlarning asosini belgilaydi. Bino-barin, hosil bo’layotgan yoki sintez qilinayotgan yuqori molekulyar birikmalarning o’lchami, polimer zanjirining qanday - uzunchoq yoki tarmoqlanganligi, makromolekula massasini katta yoki kichik bo’lishligi - polimerlanish jarayonini o’rganish asosida yotadi. Binobarin, yuqori molekulyar birikmalar olishning asosiy usullari va jarayonlarini o’rganib, turli tuzilishga ega bo’lgan hamda sanoat uchun qimmatli texnik xossalar namoyon qiladigan polimer materiallarini olish mumkin bo’ladi. Yuqori molekulyar birikmalar, asosan, poli­merlanish, polikondesatlanish va kimyoviy modifikasiyalash reaksiyalari orqali olinadi.