Yengil sanoat xilma-xil xom ashyolardan keng iste’mol mahsulotlari va buyumlar ishlab chiqarishga ixtisoslashgan sanoat tarmoqlarini o‘z ichiga oladi. Asosiy tarmoqlari to‘qimachilik, tikuvchilik, ko‘nchilik, mo‘ynado‘zlik va poyabzal sanoatlari hisoblanadi. Ushbu sanoat mahsulotlari avtomobil, mebelsozlik, oziq-ovqat, qishloq xo‘jaligi, sog‘liqni saqlash va transport sohalarida ham keng qo‘llaniladi. Farg‘ona viloyatida yengil sanoat mahsulotlari ishlab chiqarish korxonalari faoliyat ko‘rsatmoqda va ularning ijtimoiy-iqtisodiy-geografik jihatlari tahlil qilinmoqda. Mavzudagi ishning maqsadi yengil sanoatda mavjud muammolarni aniqlash va ushbu sohani hududiy rivojlantirishga ilmiy-amaliy tavsiyalar ishlab chiqishdir.