Ushbu kurs ishi analitik kimyoning lyuminessent metodlari bo‘yicha tayyorlangan bo‘lib, lyuminessensiya hodisasi, uning turlari, titrimetrik analiz asoslari va fluorimetrik tahlil usullari batafsil ko‘rib chiqilgan. Metodlar orasida fotolyuminessensiya, fluoressensiya kabi optik tahlil usullari mavjud bo‘lib, ular yordamida kichik konsentratsiyadagi moddalarning aniqlanishi mumkin. Kurs ishida titrimetrik analiz usullari, indikatorlar, eritma tayyorlash hamda o‘lchash usullari prinsiplari tushuntirilgan. Fluorimetr tahlilining qurilishi, qo‘llanilishi va miqdoriy aniqligi ham keltirilgan. Ish tabiatga oid biologiya, meditsina, geologiya va sanoat sohalarida kimyoviy moddalarning tahliliga yo‘naltirilgan.