Abu Lays Samarqandiyning “Bahrul ulum” asari Islom tafsir ilmidagi mashhur va muhim manbalardan biridir. Asarda Qur’on oyatlari hadislar, sahobiy va tobeiylarning sharhlari hamda turli rivoyatlar asosida yoritilgan. Asar diniy va ma’naviy qadriyatlarimizning uzviy qismi sifatida musulmonlarning diniy saviyasini oshirishga xizmat qiladi. Tadqiqotda olimning hayoti, ilmiy merosi, manbashunoslik tahlili hamda tarixiy voqealarning sharhlanishi o‘rganilgan. Abu Lays Samarqandiy Movarounnahr va Xuroson mintaqasidagi yirik mufassirlardan bo‘lib, uning izlanishlari va rivoyatlari ko‘plab ilmiy anjumanlarda yuqori baholangan.