Boshlang‘ich ta’lim — o‘quvchining savodxonlik poydevori qo‘yiladigan eng muhim bosqichdir. Aynan shu davrda bolalarda og‘zaki nutqni ravon bayon eta olish, fikrni aniq ifodalash, to‘g‘ri yozish, matnni tuza olish kabi asosiy kompetensiyalar shakllanadi. Yozish va gapirish ko‘nikmalari bolaning keyingi barcha fanlar bo‘yicha o‘zlashtirishiga, muloqot madaniyatiga, ijtimoiy faolligiga bevosita ta’sir qiladi.Shu bois boshlang‘ich sinf o‘quvchilarida nutqiy kompetensiyani shakllantirish o‘qituvchidan puxta metodik yondashuv, doimiy mashq qilish va izchil o‘rgatish jarayonini talab etadi.