Еврўпo заминидаги энг қадимги театр маданиятини юнонлар ва римликлар яратганлар. Юнон театри эрамиздан аввлги V асрда гуллаб яшнади. Рим театри эса, юнон театридан кейин пайдо бўлди ва унинг гуллаш даври эрамиздан аввалги III асрнинг иккинчи ярми ва II асрга тўғри келади. Юнонистонда драма эпос, сўнг лирика асосида узоқ давр шаклланиш мобайнида пайдо бўлган. Лекин даставвал халқ ижоди ривожга киради, яъни мақол ва матал, меҳнат ва маросим қўшиқлари, худога аталмиш ҳамду сано, мадҳия ва ривоят сингари оғзаки ижод турлари тараққий топади ва шунинг натижасида эпос ва лирика дунёга келади