Orfoepiya grekcha "orphos" – to’g’ri, "epos" – nutq degan ma’noni bildiradi. Adabiy tilning to’g’ri talaffuz me’yorlarini o’rganuvchi bo’lim tilshunoslikda orfoepiya deyiladi. Orfoepiyaning yuzaga kelishida orfografiya va xalq og’zaki nutqining talaffuzi asos qilib olingan. Adabiy talaffuz me’yorlarini o’rganish orfoepik qoida va orfografik lug’at orqali amalga oshiriladi. O’zbek tilining asosiy orfoepik qoidalarini unli talaffuzi, undosh talaffuzi, asos va qo’shimcha talaffuzi hamda boshqa tillardan o’zlashtirilgan so’z talaffuzi tarzida o’rganish mumkin.