Hozirgi kunga kelib pedagogika ko‘p tarmoqli fan bo‘lib, boshqa fanlar bilan uzviy aloqadorlikda faoliyat ko‘rsatmoqda va rivojlanmoqda. Pedagogika tushunchasining turli mualliflar talqinlarini ko‘rib chiqamiz: - ta’limning mohiyati, qonuniyatlari, ta’lim jarayonlarining shaxs rivojlanishidagi o‘rnini ochib beruvchi, ularning natijadorligini oshirishning amaliy yo‘llari va usullarini ishlab chiquvchi fan tarmog‘i; - insonni o‘qitish va tarbiyalashning mohiyati, qonuniyatlari, tamoyillari, metodlari va shakllari haqidagi fan (L. V. Mardaxayev); - ta’lim va tarbiya haqidagi fan (S.I.Ojegov); - insonni tarbiyalash, ta’lim berish, o‘qitish, ijtimoiylashtirish va ijodiy o‘z-o‘zini rivojlantirish qonunlari va qonuniyatlari haqidagi fan (V. I. Andreev).