Pedagogik jarayonni tashkil etishda har bir talabaning shaxsiy xususiyatlarini hisobga olish zarur. Pedagogik muloqot o’rnatish uchun zamonaviy, innovatsion texnologiyalardan foydalanish ehtiyoji tug’ildi. Bu texnologiyalardan biri interaktiv dars usullaridir. Lotinchadan “inter”- o’zaro, “akt”- muloqot, yaqinlikdir. Interaktiv usullardan foydalanishdan maqsad shuki, darslarni qiziqarli, sermazmun, eng muhimi samarali qilib o’tkazishdir. Bunda talabaning bilimi ortadi, shaxsiyati rivojlanadi va o’quv jarayonining mahsuldorligi ko’payadi. Ma’lumki yaxshi o’zlashtirish uchun shunchaki tinglab, yozib o’tirish yetarli emas, balki shu material ustida faol ishlash, o’ylab ko’rish, muhokama qilib chiqish, yordamchi vazifalar bajarishi kerak.