Mazkur ilmiy ishda ona tili ta’limida grammatik topshiriqlarning o‘rni va ahamiyati chuqur tahlil etilgan. Grammatik topshiriqlar o‘quvchilarning grammatik bilimlarini mustahkamlash, to‘g‘ri va mantiqiy nutq tuzish, imlo qoidalariga rioya qilish hamda savodxonlik darajasini oshirishda muhim vosita bo‘lib xizmat qiladi. Ushbu ishda grammatik topshiriqlarning asosiy turlari, ularning metodik yondashuvlar asosida tuzilishi, ta’lim jarayoniga ta’siri va ularni dars jarayonida samarali qo‘llash usullari keng yoritilgan. Shuningdek, interfaol o‘qitish metodlari asosida tuzilgan grammatik topshiriqlarning o‘quvchilarning faolligini oshirish, mustaqil fikrlashga o‘rgatish va til malakalarini rivojlantirishdagi o‘rni haqida ham fikr yuritilgan. Ishda nazariy ma’lumotlar bilan bir qatorda amaliy tavsiyalar ham berilgan.