SAIDOVA N.M. UMUMIY PEDAGOGIKA (Pedagogika tarixi) Bugungi kunda ta’lim sohasida keng islohotlar yoshlarimizning xorijdagi tengdoshlari bilan ilm-u fan, ma’naviyat, madaniyat, tadbirkorlik va boshqa sohalarda faol muloqotda bo’lishi ularning o’z bilim va salohiyatlarini dunyo miqyosida namoyish etishi hozirda keng imkoniyatlarni yaratib bermoqda. Maktabgacha ta’lim tizimining xalq hayotidagi ahamiyatini e’tiborga olgan holda ta’lim vazirligi 11yillik ta’limni qayta tikladi. Bu harakatlarning mohiyati birgina maqsad – O’zbekiston davlatining nomini yuksaklarga ko’tarib, bu yerdagi yoshlarning salohiyat sohasidagi yuksak texnologiyalar borasidagi va dunyo miqyosidagi raqobatbardosh bo’lishi lozimligi ko’zda tutilgan. Ta’lim-tarbiya tizimini tubdan isloh qilish bugungi kunning eng dolzarb masalasi hisoblanadi. Ta’lim to’g’risidagi qonunda ta’lim sifati birinchi o’rindagi masala sifatida e’tirof etiladi. Pedagogika fani o’sib kelayotgan yosh avlodni barkamol inson sifatida shakllanishida poydevor fan sifatida xizmat qiladi. Buyuk bobokalonlarimiz yosh avlod tarbiyasini yuksaltirish maqsadida juda ko’p maktablar, madrasalar yaratganligi va bu bilim dargohlari uchun tegishli darslik va qo’llanmalar bilan ta’minlab, bugungi yosh avlod mafkurasida o’chmas iz qoldirdi. Ajdodlarimizning ilm-u ma’rifat yo’lidagi sa’y-harakatlarini o’rganish bugun o’sib kelayotgan kelajak avlod uchun dastur-amal bo’lib xizmat qiladi.