Hozirgi davrda ruhiy salomatlik muammolari global miqyosda katta ahamiyat kasb etmoqda. Depressiv holatlar, xususan, insonning hayot sifati va faoliyatiga salbiy ta’sir ko‘rsatadigan asosiy omillardan biri sifatida ko‘riladi. Ushbu buzilish turli yosh guruhlari va ijtimoiy qatlam vakillari orasida keng tarqalib, jahon sog‘liqni saqlash tizimida muhim masalaga aylangan. Mamlakatimizda ham depressiv holatlarni erta aniqlash va ularni samarali davolash masalalariga alohida e’tibor qaratilmoqda. Shu bois, depressiyaning klinik ko‘rinishlari, sabablari va tashxis usullarini chuqur o‘rganish, xususan, V. Zung tomonidan ishlab chiqilgan depressiya o‘lchov shkalasining qo‘llanilishi ilmiy va amaliy jihatdan dolzarbdir. Mazkur ishda depressiv holatlarni to‘g‘ri diagnostika qilish, ularni boshqa ruhiy buzilishlardan farqlash va davolash bo‘yicha zamonaviy yondashuvlar tahlil qilinadi. Shu bilan birga, V. Zung shkalasining ruhiy salomatlikni baholashdagi ahamiyati va amaliy qo‘llanilishi o‘rganiladi. Ushbu taqdimot ishining asosiy maqsadi depressiv holatlarni aniqlash va ularni boshqa ruhiy buzilishlardan farqlash bo‘yicha samarali yondashuvlarni o‘rganishdan iborat. V. Zung tomonidan ishlab chiqilgan depressiya o‘lchov shkalasini qo‘llash tajribasi mazkur maqsadga erishishda asosiy vositalardan biri sifatida ko‘rib chiqiladi.