Do‘stlik – insonlar o‘rtasidagi maqsadlar, intilishlar va manfaatlar yaqinligiga, o‘zaro bir-birini tushunishga va ishonishga asoslangan munosabat. U insonni ma’naviy qo‘llab-quvvatlaydi, ruhiyatini ko‘taradi, og‘irini yengillashtiradi va o‘ziga ishonchni orttiradi. Haqiqiy do‘stlik fidoyilik, rostgo‘ylik, o‘z manfaatlaridan voz kecha bilish, sir saqlash kabi fazilatlarni talab qiladi. Hayotda sadoqatli do‘st topish katta baxt, ammo bu baxtka hamma ham muyassar bo‘lmaydi.