O’smirlar o’zlarining nohaqligini bilib tursalar ham, bari bir yon bermaydilar. Nega shunday?Ehtiyoj va qiziqish. O’smirlarni hayotda tutgan o’rni asosida ko’p ehtiyoj va qiziqishlar paydo bo’ladi. Maxsus psixologik tekshirishlar orqali o’smirlarda tez katta bo’lish ehtiyojlari kuchli ekanligi aniqlandi. 500 o’smir bilan suhbat o’tkazildi. «Sizning eng kuchli xohishingiz nimadan iborat?» degan savolga: «tezroq katta bo’lish» (kichik o’smir), «tezroq katta odam bo’lish» (katta o’smir) degan javoblar olindi. VIII sinf o’quvchilari mehnat qahramonlari, fan arboblari va Ulug’ Vatan urushi qahramonlari singari bo’lishni xoxlashlarini aytdilar. VIII sinfning ba`zi o’quvchilari kattalar singari mustaqil hayot kechirish maqsadida tezroq ishga kirib ishlash xohishlari borligini aytdilar. O’smirlik yoshining o’rta davrida bolalarda kattalar baja-radigan ishlarni bajarish ehtiyoji paydo bo’ladi. Bu ehtiyojlar har xil modellar yasash va konstruktsiya qilishda o’z aksini topadi. Kattalarga taqlid qilish ehtiyojining yo’nalishi oila va maktabdagi tarbiya sharoiti bilan aniqlanadi. O’smir otasi, onasi, opasi yoqi akasiga taqlid qilgan holda eng yaxshi axloq va mehnat malakalarini va odatlarini egallashi mumkin. Katta bo’lishga intilish bilan bir qatorda, o’smirlar tevarak atrofdagi kishilar, birinchi galda, ota-onalari va o’qi-tuvchilari bilan bo’ladigan munosabatlarni o’zgartirishga oid kuchli ehtiyojlarni boshdan kechiradilar. SHu munosabat bilan o’smirlar ota-ona va o’qituvchilarning obro’si va kamchilikla rini baholay boshlaydilar. Kattalarga baho berishda o’smirlar ko’pincha qat`iy va haddan tashqari printsipial bo’ladilar. Ba`zan kattalarning xulqi va ishidagi arzimagan xatolar, ularning xarakteridagi kamchiliklar o’smirlarning g’azabini keltiradi va ular kattalarni qattiq qoralaydilar. Haqiqatni yaxshi ko’radilar. (VII sinf o’quvchisi shunday deydi: «Bizning Ma`suda oyamiz faqat adolatlilik to’g’risida gapiradi-yu, ammo sinfda o’zining yoqimtoylari bor». Bir o’quvchi xotira daftarida shunday deb yozadi: «Oyim menga hadeb soflik to’g’risida gapiradi-yu, o’zi esa dadamlardan pul yashiradi».)