Ҳуда-беҳудага асабийлашиш руҳий носоғломлик белгиси. Бундан сақланиш учун ҳамиша яхши нарсалар ҳақида ўйлаш, кўнгилда шукроналик туйғусини ҳис қилиш, ҳасад ва адоватдан йироқ бўлиш лозим. Шунингдек, кимдандир нафратланиб яшаш, қасос туйғуси ҳам инсон асабини толиқтиради. Яхшиси, ёмон хотиралардан воз кечиш, кимдандир хафа бўлган бўлсангиз, уни кечириш лозим. Бировдан нафратланган одам ўзи билмаган ҳолда унга тобе бўлиб қолади. Ҳар бир хатти-ҳаракатида ўзи нафратланадиган кишини эслайди, унга қандай таъсир ўтказишни ўйлайди. Нафрат унутишга халақит беради, унутишга имкон йўқлиги тобе бўлишдир. Хуллас, бугун ён-атрофимизда асабимизни чарчатадиган омиллар жуда кўп. Улардан ҳимояланиш эса ўз қўлимизда.