Juda kichik miqdordagi kuchlar ta’sirida o‘z shaklini o‘zgartiruvchi moddalar suyuqliklar deb ataladi. Ular qattiq jismlardan o‘z zarrachalarining juda harakatchanligi bilan ajralib turadi va oquvchanlik xususiyatiga ega bo‘ladi. Shuning uchun ular qaysi idishga quyilsa, o‘shaning shaklini oladi. Suyuqliklar molekulalar bir biriga yaqin joylashgan, molekulalarning o’zaro ta’siri kuchli, molekulalar o’z o’rni (muvozanat holati) atrofida tebranib turadi. Ba’zan keskin sakrashlar qilib o’z joyini o’zgartiradi.