Efir moyli o‘simliklar — efir moylari olish uchun yetishtiriladigan ekinlar guruhi. Ularning ayrim organlari yoki butun tanasida efir moylari (xushbo‘y moddalar) to‘planadi. Efir moyli o‘simliklar daraxt, buta va bir va ko‘p yillik oʻt turlariga kiradi. Ular tropik, subtropik va mo‘tadil iqlimli hududlarda yetishtiriladi. O‘zbekistonda 50 oilaga kiruvchi 233 turi mavjud bo‘lib, ayrimlari maxsus ekiladi (arpabodiyon, jambil, kashnich, qora zira, yalpiz va boshqalar). Ba’zi turlarining mevasi va bargida 1,5–7% va undan ortiq efir moyi hamda 11–27% texnik moy mavjud. Jaxon dehqonchiligida atirgul, yorong‘ul, lavanda, yalpiz asosiy ahamiyatga ega. Mazkur o‘simliklar sanoatda, farmatsevtika, kosmetika va oziq-ovqat sohalarida qo‘llaniladi.