Mikroevolyutsiya haqida tushuncha. O’tgan asrning boshlarigacha o`zgaruvchanlik sabablari va mexanizmini o`rganish qiyin muammolardan biri bo`lib keldi. Ushbu muammoning ijobiy hal qilinishi evolyutsion nazariyaning keyingi rivojlanishi uchun nihoyatda muhim ahamiyatga ega. Ma’lumki, Darvin tabiiy tanlanish haqidagi ta’limotini o`zgaruvchanlikning turli formalari mavjud, degan g`oyaga asoslanib yaratgan. U o`zgaruvchanlik formalari orasida nomuayyan va muayyan o`zgaruvchanlikni farq qilgan, o`zgaruvchanlik sabablariga to`xtalib, bunda organizmning tabiati va tashqi muhit ta’sirini ta’kidlab o`tgan edi. Genetika fanida yig'ilgan katta faktik dalillar bilan o`zgaruvchanlikning Darvin farqlagan aso