Qo`ypechak O`zbekistonning hamma hududlarida ekinlar orasida begona o`t sifatida o`sadi. Qo`ypechak ko`p yillik, bo`yi 40 – 100 sm ga yetadigan o`t o`simlik. Poyasi ingichka, sudralib va chirmashib o`suvchi, ko`p qirrali. Bargi nayzasimon bo`lib, poyada uzun bandi bilan ketma – ket o`rnashgan. Gullari oq yoki pushti rang, vorankasimon, barg qo`ltig`iga uzun bandi bilan loylashgan. Mevasi – keng tuxumsimon, ikki urug`li va ikki chanoqli ko`sak. May - avgust oylarida gullaydi, mevasi iyn` - sentyabrda pishadi. Qo`ypechak gullaganida yer ustki qismi yig`iladi va soya yerda quritiladi. O`simlikni quritmasdan ham ishlatiladi. O`simlik tarkibida flavonoidlar, kofe kislota, karotin, vitamin S smolalar va alkaloidlar bor.