Vitaminlar (lotincha: vita — hayot), darmondori — tirik organizmning hayot faoliyati va normal moddalar almashinuvi uchun zarur bo'lgan organik birikmalar. Ularning turli xil kimyoviy tuzilishga ega. Oziq moddalarda qandaydir moddalarlarni etishmasligi natijasida odamlar kasal bo'lishi to'g'risidagi ma'lumotlar qadimiy Xitoy kitoblarida, keyinchalik Gippokrat asarlarida qaydetilgan. Vitaminlarni ilmiy nuqta-i nazardan o'rganish XVIII asrda boshlangan. Ingliz vrachi J. Lind (1757), fransuz fiziolog F. Majandi (1816), rus vrachi N. I. Lunin (1880), golland vrachi Eykman (1897), ingliz olim F. Xopkins (1906)lar vitaminlarni o'rganishga juda katta hissa qo'shdilar.