Moddaning tuzilishi va xossalarini uni tashkil qilgan molekulalarning harakatiga hamda molekulalar orasidagi o‘zaro ta’sir kuchining mavjudligiga bog‘lab o‘rganuvchi nazariya molekulyar-kinetik nazariya (MKN) deb ataladi. MKN tajribalarda isbotlangan uchta qoidaga asoslangan. 1. Moddalar zarralardan – atom va molekulalardan tashkil topgan. 2. Atom va molekulalar to‘xtovsiz va tartibsiz harakat qiladi. 3. Atom va molekulalar o‘zaro ta'sir kuchiga ega.