Asinxron elektr dvigatel uch fazali oʻzgaruvchan tok taʼminoti bilan ishlaydigan va mexanik energiyaga aylantiradigan elektr mashina hisoblanadi. Ish printsipi stator chulgʻamlari orqali vujudga keladigan aylanuvchi magnit maydonining rotor chulgʻamlarida hosil qiladigan tok bilan oʻzaro taʼsiriga asoslangan. Aylanish tezligi tok chastotasi, qutblar soni va sirpanish parametriga bogʻliq. Dvigatelning aylanishlar chastotasi tiristorli kuchlanish o’zgartirgich yoki chastota o’zgartirgich yordamida rostlanadi, bu esa dvigatelning ish rejimini va momentini boshqarishga imkon yaratadi. Asinxron dvigatellar elektr yuritmalarda asosiy harakatlantiruvchi sifatida keng qoʻllaniladi. Quvvati bir necha Vtdan oʻnlab MVtgacha boʻlishi mumkin.