Mashina uzatmalarining tishli g’ildiraklari konstruktsion materialdan tayyorlanadi. G’ildirak tishlarini yuzalari yetarli darajada qattiq bo’lishi kerak. G’ildiraklarni tayyorlash uchun ishlatiladigan po’lat materiallar qattiqligi bo’yicha ikki guruxga bo’linadi: xossalarini yaxshilash xamda normallash yo’li bilan termik ishlov berilgan qattiqligi NV350 bo’lgan yuqori chastotali tok yordamida toblash xamda azot, uglerod bilan to’yintirish yo’llari bilan qattiqligi oshirilgan po’lat materiallardir. Qattiqligi, NV>350 bo’lgan g’ildirak tishlari dastlabki ishlovdan so’ng (frezerlash, o’yish stanogi) termik ishlanadi, ya’ni tish yuzalari yoki tishlar butun xajmi bo’yicha toblanadi. Bunday termik ishlovdan so’ng tishlarga yakunlovchi tozalash ishlari beriladi (qum toshlar yordamida jilvirlash).