Bozor iqtisodiyoti – bu zamonaviy jamiyat taraqqiyotining tayanch tamoyillaridan biri bo‘lib, unda xo‘jalik yuritish erkinligi, raqobat, mulkchilik xilma-xilligi va iqtisodiy javobgarlik mezonlari markaziy o‘rin egallaydi. Mamlakatlar tarixida davlat tomonidan qat’iy nazorat ostida olib borilgan rejalashtirish tizimidan bozor mexanizmlariga asoslangan iqtisodiyotni shakllantirish jarayoni o‘zining murakkabligi, ko‘p qatlamli institutsional o‘zgarishlari va ijtimoiy-siyosiy barqarorlik talablariga ko‘ra alohida nazariy va amaliy tahlilni talab etadi. Ayniqsa sobiq ittifoqdan mustaqillikka erishgan O‘zbekiston kabi davlatlar tajribasida bozor islohotlarining bosqichma-bosqichligi, moslashuvchanligi va milliy sharoitlarga yo‘naltirilganligi uni boshqa iqtisodiy modelalardan farqlovchi muhim belgidir.