Buxgalteriya balansi haqida tushuncha, uning tuzilishi, mazmuni va ahamiyati. Xo’jalik mablag’lari va ularning kelib chiqish manbalarini tasnifi. Xo’jalik muomalalari ta’sirida balansda sodir bo’ladigan o’zgarishlar. «Balans» so’zi lotincha bo’lib, uning aynan tarjimasi «bis» ikki karra va «lans» tarozi palasi ya’ni tarozi ikki pallasining tengligi degan ma’noni bildiradi. Demak, «balans» so’zi ikki tomonning ya’ni tarozi pallasining ikkala tomonini tengligidir. Buxgalteriya hisobida balans tushunchasi ikkita axamiyat kasb etadi. Xo’jalik mablag’larining tarkibi, joylanishi, harakati va ularning vujudga kelish manbalaridagi xamda maqsadli tayinlanishidagi o’zgarishlarni bir-biriga solishtirib, ma’lum bir sanaga qiymat ifodasida umumlashtirilgan holda aks ettirish usuli buxgalteriya balansi deyiladi.