"Buxgalteriya hisobi" fani buxgalteriya hisobining asosiy nazariy qismi bo‘lib, unda buxgalteriya hisobining jamiyatdagi o‘rni, ahamiyati, vazifasi, predmeti, ob‘ekti, tamoyillari, usullari va boshqa o‘ziga xos xususiyatlari o'rganilsa, "Moliyaviy hisob va hisobot" va "Boshqaruv hisobi" fanlarida buxgalteriya hisobining tamoyillari, usullari amaliyotda qanday qo‘llanishi o’rganiladi. "Buxgalteriya hisobi" fani nafaqat buxgalteriya hisobi tizimi uchun balki, barcha iqtisodiy fanlar uchun ham nazariy manba hisoblanadi. Ayniqsa iqtisodiyotni erkinlashtirish sharoitida barcha maʼmuriy - boshqaruv xodimlari va ishchi-xizmatchilari iqtisodiy tushuncha hamda jarayonlar to'g'risida ma'lumotga ega bo'lishi kerak. Bunday iqtisodiy tushuncha hamda jarayonlar mazmuni "Buxgalteriya hisobi" fanida ko'rib o'tiladigan usul va tamoyillar orqali ifodalanadi.