Globallashuv jarayoni – butunjahon tarixining qonuniy bosqichidir. U ob‘ektiv bo’lib, inson-sub‘ekti ongiga bog’liq bo’lmagan holda ishlab chiqarish kuchlari o’sishidagi asosga egadir. Yer yuzida 200 dan ziyod mamlakat bo’lsa, ularning bir qismi integratsiyalashuv ittifoqlariga kiradi, boshqalari esa unda ishtirok etmaydi, biroq globallashuv jarayoni ta‘sirida bo’ladi. Rivojlanayotgan mamlakatlar uchun globallashuv jarayonining asosiy da‘vati – davlatlarning globallashuv jarayonidan keladigan foydani maksimallashtirish va xavflarni minimallashtirishga imkon bera oladigan iqtisodiy siyosat dasturini ishlab chiqish va amalda qo’llash. Buning uchun mamlakatlar quyidagi sifatlarga ega bo’lishi lozim: - xalqaro savdoda muvaffaqiyatli ravishda raqobatlashish va xorijiy kapitalni jalb eta olish. - xalqaro muhitdagi o’zgarishlarga tez va adekvat ravishda o’z munosabatini belgilashi kerak.