Iqtisodiy jarayonlarni bashoratlash bozor iqtisodiyoti sharoitida tadbirkorlik faoliyatini rejalashtirish va boshqarish uchun zarur bo‘lgan jarayonlarni o‘rganish, ularning kelgusidagi rivojlanishini ilmiy asoslar bilan aniqlashdir. Bashoratlash turli muddatlarga bo‘linib, iqtisodiy ko‘rsatkichlarning o‘tgan va hozirgi holati asosida kelajakda yuz berishi mumkin bo‘lgan jarayonlar va natijalarni tahlil qiladi. Ushbu mavzuda iqtisodiy jarayonlarning dinamikasi, davriy qatorlar, ularning tahlili, anamal qiymatlar va o‘sish egri chizig‘i modellari bilan bashoratlash metodlari keltirilgan.