O‘quvchilar harakatli mashqlarni harakat malakasi va harakat ko‘nikmalari bo‘lgan taqdirdagina bajarishi mumkin. Bu malaka va ko‘nikmalar harakatlarni boshqarish usullarini ifoda etadi. O‘quvchilarda jismoniy tarbiya va sport mashg‘ulotlari xamda tadbirlarida, harakat tajribasi va bilimlari to‘planib, jismoniy jihatdan zarur darajada rivoj topgach, harakat vazifasini hal qilish imkoniyati yaratiladi. Bilim va tajribalar asosida egallagan harakat malakalari – harakat faoliyati jarayonida harakatlarni ixtiyoriy bajarish qobiliyatidir.