Gazsimon, suyuq va qattiq muhitda taqsimlangan kichik o‘lcham qiymatiga ega bo‘lgan zarrachalardan iborat sistemalar dispers sistemalar deb ataladi. Ularga yuqori darajali disperslik (maydalanganlik) va geterogenlik xosdir. Dispers sistemalarning geterogenligi ularning ikki fazadan iboratligini bildiradi. Bu fazalardan biri dispers faza deb deyiladi va u ma’lum o‘lcham qiymatga ega bo‘lgan zarrachalardan tashkil topadi. Dispers faza taqsimlangan muhit esa dispers muhit deb ataladi. Oqibatda bunday sistema termodinamik jixatidan beqaror va reaksion qobilyati yuqori bo‘ladi.