Xitoy musiqa ta’limi dunyodagi eng rivojlangan tizimlardan biri bo‘lib, an’anaviy va zamonaviy yondashuvlarni o‘z ichiga oladi. Mamlakatda musiqa ta’limi maktabgacha, maktab, ixtisoslashgan litseylar va konservatoriyalar darajasida bosqichma-bosqich rivojlangan. Musiqa darslari umumiy ta’lim maktablarida majburiy bo‘lib, bolalar yoshligidan milliy cholg‘u asboblari va xalq musiqasini o‘rganish imkoniyatiga ega. Bundan tashqari, maktablardagi musiqa ta’limi g‘arbiy klassik musiqa, xor ijrochiligi va zamonaviy texnologiyalar bilan boyitilgan.