Musiqiy ohanglarni qog’ozda aks yettirishga urinishlar tajribasi uzoq asrlarga borib taqaladi. Bularga tabulatura, xorazm tanbur chizig’i va h.k.larni kiritish mumkin. Hozirgi kunda dunyo musiqa amaliyotida qo’llaniladigan nota yozuvi yagona standartlarga asoslangandir. Musiqiy tovushlar notalar vositasida yoziladi. Ular o’rtasi bo’sh yoki bo’yalgan doirachalardan iborat bo’ladi. Nota – lotincha so’z bo’lib belgi, yozuv ma’nosini bildiradi. Tovushlar balandligini aniq belgilash uchun notalar beshta parallel chiziqdan iborat nota yo’liga joylashtiriladi. Chiziqlar pastdan yuqoriga qarab sanaladi. Nota yo’lining boshlanish qismida besh chiziqni birlashtiruvchi vertikal chiziq qo’yiladi. Bu vertikal chiziq boshlang’ich chiziq deb aytiladi.