Masofadan o‘qitish kunduzgi va mustaqil ta’lim olish, shu bilan bir qatorda o‘qitish jarayonida kompyuter va telekommunikatsiya texnologiyalariga asoslangan eng yaxshi odatdagi va inovatsion (yangi zamonaviy) o‘qitish uslublaridan foydalanuvchi ta’lim olish turidir. Ma’lum maqsadga qaratilgan va nazorat qilib turiladigan jadal mustaqil ish masofadan o‘qitish ta’lim jarayonining asosini tashkil qiladi. Bunda o‘quvchi maxsus o‘qitish vositalari majmuiga va o‘qituvchi bilan telefon, faks, oddiy pochta, elektron pochta orqali bog‘lanish imkoniyatlariga ega bo‘lgan holda o‘ziga qulay bo‘lgan joyda shaxsiy reja bo‘yicha o‘qiydi.