Modulli o‘qitish – bu pedagogik texnologiyalardan biri bo‘lib, o‘quv jarayonini modullarga bo‘lib, o‘qitish maqsadlarini yaxlit amalga oshirish va o‘quvchilarning bilish hamda shaxsiy sohalarini rivojlantirishga imkon beradigan tizimdir. Ushbu texnologiya o‘quvchilarning bilim egallash jarayonini mustaqil boshqarish imkoniyatlari bilan ta’minlaydi. Modul tushunchasi – ta’lim jarayonini tashkil qiluvchi tarkibiy bo‘laklardan iborat bo‘lib, o‘qish jarayonini tartibga solishda asosiy ahamiyatga ega.