“Muammoli vaziyat” metodi ta’lim oluvchilarda muammoli vaziyatlarning sabab va oqibatlarini tahlil qilish hamda ularning yechimini topish bo‘yicha ko‘nikmalarini shakllantirishga qaratilgan. Metod ta’lim jarayonida muammoni tushunish, guruhlarda muammoni tahlil qilish va yechim vositalarini ishlab chiqishni o‘z ichiga oladi. Ta’lim oluvchilar mustaqil fikr yuritishni o‘rganadilar, muammoli vaziyatni yechish uchun turli imkoniyatlarni muhokama qiladilar va eng maqbul yechimni tanlaydilar.