Pedagogik aksiologiya – pedagogikaning mustaqil sohasi bo‘lib, ta’lim jarayonida qadriyatli ong, munosabat va xulq-atvorni shakllantirishni o‘rganadi. Fan sifatida uning predmeti, maqsadi va vazifalari qadriyat tushunchasining mohiyatini tahlil qilish, ta’limning qadriyat asoslarini aniqlash va ta’lim jarayonida qadriyatli yondashuvlarni rivojlantirishga qaratilgan. Ilmiy, amaliy va tajribaviy jihatlari mavjud bo‘lib, milliy va umuminsoniy qadriyatlarni asos qilib olgan ta’lim kontseptsiyasini yaratadi va ta’lim sohasida qadriyatli munosabatlarni shakllantirishga xizmat qiladi.