Prezident maktablari – ixtisoslashtirilgan davlat umumta’lim muassasalari bo‘lib, faoliyati iqtidorli bolalarni aniqlash va o‘qitishga qaratilgan. 2019-yildan boshlab Qoraqalpog‘iston, viloyatlar va Toshkent shahrida tashkil etilgan maktablar ta’lim jarayonida ilg‘or texnologiyalarni qo‘llash va tabiiy hamda aniq fanlar, xorijiy tillar, muhandislik va axborot texnologiyalarini o‘rgatishga mo‘ljallangan. Ular ta’lim jarayonining samaradorligini oshirish, yoshlarning intellektual, ilmiy va ijodiy salohiyatini rivojlantirish vazifasini bajaradi va bepul umumiy o‘rta ta’lim beradi.