Bugungi kunda jinoyatchilikning shakl va usullari tobora murakkablashib borayotgani jinoyatlarni aniqlashda zamonaviy, ilmiy asoslangan metodlardan foydalanishni zaruratga aylantirmoqda. Jinoyatni aniqlash metodlari — bu jinoyat izlarini topish, dalillarni to‘plash va jinoyatchini aniqlashda qo‘llaniladigan ilmiy va amaliy vositalardir. Kriminalistika, sud ekspertizasi, texnologik vositalar va psixologik yondashuvlar orqali jinoyatlarni tez va aniq foshetish huquqni muhofaza qilish organlari oldidagi asosiy vazifalardan biridir. Ushbu mavzu bugungi kunda jinoyatchilikka qarshi kurashishning samaradorligini oshirish, inson huquqlarini himoya qilish va ijtimoiy xavfsizlikni taʼminlash nuqtayi nazaridan juda dolzarb hisoblanadi.