Xarakter – shaxsning barqaror individual xususiyatlari yig‘indisi bo‘lib, u faoliyat va muloqotda yuzaga keladi hamda shaxsga xos hulq-atvor usullarini namoyon qiladi. «Xarakter» termini fanga ilk bora qadimiy yunon olimi va faylasuf Teofrast tomonidan kiritilgan. «Xarakter» so‘zi yunoncha «chiziq», «belgi», «sifat», «xususiyat» ma’nosini bildiradi. Bu so‘z «xarasso» fe’lidan kelib chiqib, uni o‘lchamoq, chizmoq, qirqmoq deb tarjima qilinishi mumkin. Hayotiy tajriba asosida xarakter tushunchasini ikki mazmunda tushunish mumkin: Keng yoki umumiy maxsus, o‘ziga xos ma’noda.