Atmosfera jer sharı boyınsha tegis bólistirilgen. Jaqtılıqtı, ıǵallıqtı, ıssılıqtı, elektromagnit tolqınların bólistiretuǵın tiykarǵı faktor esaplanadı. Ol kosmostan keletuǵın zıyanlı nurlar, meteroitlerdi zıyansızlandırıp ótkeredi. Atmosferanıń bul qásiyetleri jerde turmıstıń turaqlılıǵın támiyinleydi. Planetamızdıń ıssılıq balansı da atmosferaǵa baylanıslı. Atmosfera mudamı biosfera, gidrosfera hám litosfera menen óz-ara baylanısta boladı. Ol tiri organizmler ushın kerek bolǵan kislorod, iyis gazı, azottıńderegi ham bolıp tabıladı. Olar biologiyalıq element aylanıwında aktiv qatnasadı. Atmosfera sebepli suw tábiyatta aylanıp júredi. Bunnan tısqarı elementlerdıń geologiyalıq aylanıwı, taw jınıslarınıń jemiriliwi, háreketi hám basqa processlerde de aktiv qatnasadı.