Eftaliylar davlatining vujudga kelishi, Eftaliylar davrida ijtimoiyiqtisodiy va madaniy hayot Turk xoqonligi davrida O’rta Osiyo xalqlarining iqtisodiy va madaniy hayoti. O’rta Osiyo xalqlari arablar istilosi va hukmronligi davrida V asrning 20-yillarida O’rta osiyoga Sharqdan Sirdaryo va orol bo’ylari orqali yana bir ko’chmanchi aholi – kidariylar (yuechji yoki toxarlarning avlodi) kirib keladi. Kidar ismli hukmdor yo’lboshchilik qilgani uchun ular kidariylar nomi bilan tilga olinadi. Kidariylar Sug’diyonani, Amudaryo bo’ylaridagi erlarni egallab, o’z hukmronligini o’rnatadilar. Kidariylar Balx shahrini o’z davlatining poytaxtiga aylantiradilar. Biroq kidariylar hukmronligi uzoq davom etmadi. Kidariylar bilan sosoniylar o’rtasida ziddiyatlar kuchayib, ular o’rtasida bir necha marta qurolli to’qnashuvlar bo’lib bo’ladi. 456 yilda bo’lgan navbatdagi jangda kidariylar sosoniylardan qaqshatg’ich zarbaga uchradilar. Ayni payda shimoldan janubga siljib kelayotgan eftaliylar bosimiga uchrab, shimoliy Hindoston tomon chekinishga majbur bo’ldilar. Kidariylar u erda 75 yilcha hukmronlik qiladilar.