“Ijtimoiy va gumanitar fanlar” blok-moduli Tarix, Davlat va huquq asoslari hamda Tarbiya o‘quv predmetlarini o‘z ichiga oladi va ularning integratsiyasini ta’minlaydi. Ushbu modul o‘quvchilarda tarixiy tafakkur, ijtimoiy ong, huquqiy savodxonlik hamda ma’naviy-axloqiy fazilatlarni shakllantirishga xizmat qiladi. Mustaqillik yillaridagi milliy islohotlar, davlat suvereniteti, huquqiy madaniyat va milliy qadriyatlarga hurmatni rivojlantirishga qaratilgan. Modul orqali yosh avlod mustaqil fikrlash, ijtimoiy jarayonlarga faol ishtirok etish, huquqiy voqea va hodisalarni baholash, tarixiy ma’lumotlarni tushunish va ifoda qilish ko‘nikmalarini egallaydi. Shuningdek, boshqa fanlar bilan integratsiyalashgan holda insoniyat tarixi, madaniyati, iqtisodiy va tabiiy boyliklar, texnologiyalar hamda ekologiya haqida keng qamrovli bilim beradi.