Mazkur ilmiy ish Surxon vohasi aholisining etnik o‘ziga xosligi, uning etnik tarixi, madaniyati, turmush tarzi va xo‘jalik mashg‘ulotlarini o‘rganishga bag‘ishlangan. Tadqiqot XVIII asr oxiri – XXI asr boshlaridagi davrni qamrab olgan bo‘lib, mahalliy etnik guruhlarning shakllanishi, ularning tarixi, madaniy yodgorliklari, moddiy va ma’naviy madaniy qadriyatlari, shuningdek hududdagi etnologik jarayonlar kompleks tarzda tahlil qilingan. Ishda tarixiy manbalar, arxeologik qazishmalar, ilmiy maqolalar va dissertatsiyalar asos qilib olingan. Ilmiy natijalar tarix fanlari uchun o‘quv-uslubiy materiallar yaratish va talabalar seminarlariga tayyorlanishda amaliy qo‘llanilishi mumkin.