Topıraqqala yamasa “Jer qalası” – Áyyemgi Xorezmdiń eń qımbat hám záwlim esteliklerinen biri bolıp tabıladı. Qaraqalpaqstan Respublikası Ellikqal’a rayonı aymaǵında, Bostan awılınan 12 km aralıqta jaylasqan. Topıraq qala (b.e. I–VI áá.) Sultan Wáyis tawı dizbeklerinen túslikte, bir neshe kilometr qashıqlıqta jaylasqan. Ol Antik dáwirde, Afrigidler dinastiyası hákimiyat basına kelgenge shekem Áyyemgi Xorezm húkimdarlarınıń rezidenсiyası bolǵan, dep shamalanadı. Esteliktiń ataması onıń jaylasıw ornınan kelip shıqqan: bul qala topıraqlı úlken tóbede ornalasqan. Topıraqqala 1938-1950-jıllarda S. P. Tolstoye basshılıǵındaǵı Xorezm arxeologiya -etnografıya ekspediciyası tárepinen úyrenilgen.