Юқори ва қуйи нафас йўллари касалликларида балғам таҳлилининг ўзига хос хусусиятлари. Балғам ўпка ва нафас йўллари - бронхлар, трахея ва халқумдан йўталишда ёки балғам ташлашда ажраладиган патологик секретдан иборат. Йўталга кўп холларда йўлдош бўлган патологик симптомларга балғам ажралиш ва хансираш мисол бўлади. Балғам таркибини текширишнинг ўпка ва нафас йўлларидаги яллиғланиш ва деструктив процессларни аниқлашда, шунингдек касаллик қўзғатувчисининг табиатини билишда катта диагностика аҳамияти бор. Балғамни макроскопик, микробиологик ва химиёвий усуллар ёрдамида текширилади.