Endometrioz—bachadon bo’shlig’ining ichki qavati, uning yuzasi, shuningdek boshqa a’zo to’qimalarida endometriy hujayralarining o’sishi bilan tavsiflanadigan kasallik. Endometriy o’sish o’chog’i joylashuviga qarab genital endometrioz va ekstragenital endometrioz shakllari ajratiladi. Ommaviy qarashlarga qaramasdan, bu kasallik nafaqat jinsiy yetuk ayollarda, balki o’smirlarda va erkaklar orasida ham qayd qilinishi mumkin. Ayollar orasida endometriozning tarqalganligini inobatga olib (reproduktiv yoshdagi ayollarning uchdan biri ushbu kasallikdan aziyat chekadilar), bu kasallikni «ayollar kasalligi» deb atash mumkin.