To'qimalarning tarqoq ravishda o'tkir yiringli yallig'lanishi flegmona avvalo yumshoq biriktiruvchi to'qimalarda kuzatiladi, yallig'lanish jarayoni teri osti yog' qavatida, shuningdek, mushaklarda, mushaklar orasida, a'zolar orasi kletchatkasida yuzaga kelishi mumkin. Ekssudatning turiga qarab seroz yiringli, yiringli-gemorragik, chirindili; lokalizatsiyasi bo'yicha epifassial, subfassial organizmdagi yog' qavatlarini inobatga olganda flegmonalar maxsus nom bilan yuritiladi: paranefrit, parakolit, paraproktit kabi. Ma'lum guruhda inyeksiyadan so'ng paydo bo'luvchi flegmonalar farqlanadi.