Jamoada hamshiralik ishi oilaviy hamshiralik parvarishi bo‘lib uning birligi oiladir; jamoaning sog‘liq bo‘yicha ehtiyojlarini aniqlaydi. Oilalarda hamshiralik parvarishini olib boradi, uning obyekti – oila hisoblanadi. Jamoada hamshiralik ishi jamoalaming sog‘liqni saqlash tarkibiga bevosita bog‘liq bo‘ladi va tibbiy xodimlarning bu tarkibini a’zolari sifatida burchlarini bajarishdan iborat. Jamoada hamshiralik ishining madsadi – rivojlanish bosqichi va sog‘liq darajasidan qat’i nazar, jamoada yashovchi barcha odamlarga yordam ko‘rsatish, ularning o‘z kuchlari bilan sog‘liqni saqlashi va yaxshilashiga o‘rgatishga qaratilgan. Buning uchun hamshira sog‘liqni saqlash tarkibining a’zosi sifatida, sog‘liq g‘oyasiga asoslanib, shaxs, oila, qo‘shnilar, guruhlar va jamoa sog‘lig‘ini saqlashni amalga o‘tkazadi.