Oddiy bo’ymadaron – Achillea millefolium L. – ko‘p yillik dorivor o‘simlik bo‘lib, Asteraceae oilasiga mansub. O‘simlikning kimyoviy tarkibida efir moyi, flavanoidlar, vitaminlar va mikro-makro elementlar mavjud. Bo’ymadaron dorivor o‘simlik sifatida tibbiyot va farmatsevtikada keng qo‘llaniladi, u gemostatik, yallig‘lanishga qarshi, tonik, antispazmodik, diuretik va boshqa ko‘plab farmakologik ta’sirlarga ega. O‘simlikning yetishtirish texnologiyasi va xom ashyoni tayyorlash yo‘llari o‘rganilgan hamda xalq tabobatida va zamonaviy tibbiyotda qo‘llanilishi ta'kidlangan.