Stomatit [юн. stoma – o‘g‘iz, itis – yallig‘lanish] – o‘g‘iz bo‘shlig‘i shilliq qavatinining yallig‘lanishi. Stomatit mustaqil kasallik holida kechishi, shuningdek, boshqa kasalliklar (qizamiq, qizilcha, grip, kandidoz) belgisi bo‘lishi mumkin. Yallig‘lanish tilida bo‘lsa – glossit, milikda bo‘lsa – gingivit deyiladi, bulardan har birining o‘ziga xos belgilari bor. Stomatit moddalar almashinuvi kasalliklari (avitaminoz, diabet), nerv va ichki a‘zolar kasalliklari, vitamin etishmovchiligi, ichki sekretsiya bezlari faoliyatining buzilishi oqibatida paydo bo‘ladi. Chekish, spirtli ichimliklarga rujju qilish, juda issiq yoki juda sovuq, nordon va shor ovqatlar yo‘yish ham stomatitga olib kelishi mumkin.